«Լրագրողներ առանց սահմանների» իրավապաշտպան կազմակերպությունը Ադրբեջանի իշխանություններից պահանջել է ազատ արձակել շինծու մեղադրանքով ձերբակալված azel.tv կայքի խմբագիր Աֆղան Ադըքովին:
Այս մասին հայտնում է ադրբեջանական azadliq.info լրատվական գործակալությունը:
Կազմակերպության հայտարարության մեջ նշվում է, որ Սադըքովի ձերբակալության պատճառը եղել է այն, որ կայքում հաճախակի տեղ են գտել լուրեր Ադրբեջանի տարբեր շրջաններում ճանապարհների վատ վիճակի, հանրային միջոցների յուրացման և պետական ենթակառուցվածքների փլուզման վերաբերյալ:
«Այս ամենը մարդու իրավունքների եվրոպական կոնվենցիայի, քաղաքացիական և քաղաքական իրավունքների վերաբերյալ միջազգային պակտով երաշխավորված ազատության կոպիտ խախտում է»,- ասված է հայտարարության մեջ:
Կազմակերպության հայտարարության համաձայն` Ադրբեջանի կառավարությունը հաճախ է կիրառում իշխանություններին քննադատող լրագրողներին և բլոգերներին շինծու մեղադրանքներով ձերբակալելու միջոցով լռեցնելու մեթոդը:
«Կան լրագրողներ, որոնք պատժից խուսափելու համար հեռացել են Ադրբեջանից, բայց եթե նույնիսկ արտերկրից նրանք շարունակեն քննադատական գործունեությամբ զբաղվել, իշխանությունները կձերբակալեն նրանց երկրում գտնվող հարազատներին».-նշված է հայտարարության մեջ:
«Լրագրողներ առանց սահմանների» կազմակերպությունը գտնում է, որ Աֆղան Սադըքովը պետք է ազատ արձակվի:
Սադըքովը ձերբակալվել է 2016-ի նոյեմբերի 22-ին և նրան մեղադրանք է առաջադրվել անձին ծանր վասվածքներ հասցնելու և խուլիգանության հատկանիշներով:
