Ռուս հայտնի մոդել, Ռուսաստանում կայանալիք աշխարհի 2018 թվականի առաջնության դեսպան Վիկտորյա Լոպիրյովան շնորհավորել է Հայաստանի անկախության օրը:
Գեղեցկուհին դա արել է` «Ֆեյսբուքի» իր էջում տեսանյութ հրապարակելով Հայաստանի ազգային հավաքականի և ՄՅՈւ-ի կիսապաշտպան Հենրիխ Մխիթարյանի մասին:
Վերջերս, Լոպիրոյովան գտնվել է Մանչեսթերի «Օլդ Թրաֆորդ» մարզադաշտում և հարցազրույցներից մեկում խոսել Մխիթարյանի և Հայաստան կատարած այցելության մասին.
— Գիտենք, որ լավ ծանոթ եք մեր ֆուտբոլիստներից մեկի` Հենրիխ Մխիթարյանի հետ: Կպատմե՞ք այդ մասին:
— Նա հիանալի տղա է: Ես շատ շնորհակալ եմ նրան, քանի որ նրա հրավերով այցելել եմ Հայաստան` իր հայրենիք: Մարդիկ այնտեղ շատ համեստ են, շատ բարի և ջերմ: Ամեն ինչ իսկապես շատ հիանալի էր:
Բացի դա, Լոպիրյովան նաև իր մաղթանքներն է հղել ամբողջ հայ ազգին` ազգային տոնի առթիվ.
«Շնորհավորում եմ ամբողջ հայ ազգին անկախության տոնի առթիվ և մաղթում եմ բարգավաճում ձեր երկրին»,- գրել է Լոպիրյովան:
