Լոնդոնի քաղաքապետ Բորիս Ջոնսոնը Իրաքյան Քրդստանում լուսանկարվել է Կալաշնիկովի ավտոմատով: Այս մասին հաղորդում է LBC ռադիոկայանը: Լուսանկարում Ջոնսոնը կոստյումով պառկած է գետնին և փորձում է նշան բռնել:
Քաղաքապետը, ով առևտրական բանակցություններ էր վարում Էրբիլում, դժվարացել է պատասխանել Քրդստանի հետ առևտրաշրջանառության ծավալների մասին հարցին: Դրա փոխարեն նա նշել է, որ Էրբիլում աշխատող բրիտանական ընկերությունների թիվը 9-ից հասել է 120-ի:
Ջոնսոնը նաև կանխատեսել է, որ Իրաքյան Քրդստանը շուտով կդառնա աշխարհի նավթարտադրող խոշորագույն 10 երկրներից մեկը՝ ունենալով մոտավորապես Նիգերիայի պաշարների ծավալի ներուժ:
«Լիովին հիմարություն կլիներ արհամարհել այդ ներուժ», — նշել է քաղաքական գործիչը:
