Լեռնային Ղարաբաղի հակամարտությունը պետք է կարգավորվի միջազգային իրավունքի սկզբունքների հիման վրա` բանակցությունների միջոցով, «Ռեգնում» լրատվական գործակալության փոխանցմամբ` հայտարարել է Իրանի արտգործնախարար Մոհամադ Զարիֆը՝ Բաքվում Ադրբեջանի և Ռուսաստանի արտգործնախարարների հանդիպումից հետո:
Իրանի արտաքին քաղաքական գերատեսչության ղեկավարը տեղեկացրել է, որ Իրանի նախագահ Հասան Ռոուհանին հեռախոսային բանակցություններ է վարել Ադրբեջանի և Հայաստանի նախագահների հետ:
«Կարծում եմ, որ այսուհետ քննարկումներ կծավալվեն` լուրջ որոշումներ ընդունելու համար»,- ընդգծել է Իրանի արտգործնախարարը:
