Շախմատի Հայաստանի հավաքականի առաջատար Լևոն Արոնյանն առաջին հաղթանակը տոնեց շախմատի աշխարհի չեմպիոնի հավակնորդների մրցաշարում: Այս մասին հաղորդում է ՀԱՕԿ պաշտոնական կայքը:
Արոնյանը մրցաշարի 3-րդ տուրում մրցում էր Վեսելին Տոպալովի հետ: Բավականին երկար ձգված պարտիան ավարտվեց 50-րդ քայլին: Արոնյանը, ով խաղում էր սև խաղաքարերով, գերազանցեց Տոպալովին և ստիպեց անձնատուր լինել:
Սա Արոնյանի առաջին հաղթանակն է հավակնորդների մրցաշարում: Հաջորդ տուրում նա կխաղա Պետեր Սվիդլերի հետ:
