Հոկտեմբերի 19-ին նախատեսված «Լենինգրադ» ռոք-խմբի երևանյան համերգը չեղարկվում է: Համերգի կազմակերպիչ «FORPOSTART PRODUCTION» ընկերությունը տեղեկացնում է, որ համերգը չի կայանա տոմսերի վաճառքի անբավարար քանակի պատճառով:
««FORPOSTART PRODUCTION»-ը հայցում է ձեր ներողամտությունը և հայտնում, որ բոլոր տոմսերը ենթակա են վերադարձման այն տոմսարկղերում, որտեղից դրանք ձեռք են բերվել: Եվ քանի որ համերգի կազմակերպիչը հենց «FORPOSTART PRODUCTION» ընկերությունն է, տոմսերի գումարները կարողեք ստանալ անմիջապես, տոմսարկղերում վերադարձի պահին:
Ձեզ հնարավորինս քիչ անհարամարություն պատճառելու նպատակով «FORPOSTART PRODUCTION» ընկերությունը բոլորտոմսարկղերի հետ առաքման ծառայություններ մատուցելու պայմանավորվածություն է ձեռքբերել: Եթե ձեզ ինչ-ինչ պատճառներով հարմար չէ գնալ այն տոմսարկղը, որտեղից ձեռք եք բերել տոմսերը, ապա կարող եք զանգահարել և խնդրել, որ տոմսարկղը առաքի ձեր գումարը ձեր նշած հասցեով: Տոմսարկղի առաքիչն անվճար գումարը ձեզ կհասցնի և հետ կընդունի ձեր տոմսերը: «FORPOSTART PRODUCTION» անկեղծորեն ցավում է ստեղծված իրավիճակի մասին եւ հուսով է, Ձեր ըմբռանը»,-նշված է ընկերության հայտարարությունում:
