Կովկաս ինստիտուտի փոխտնօրեն, քաղաքագետ Սերգեյ Մինասյանն այսօր լրագրողների հետ հանդիպման ժամանակ ասաց, որ Թուրքիան ի վիճակի չէ կոմպրոմիսի գնալ, իսկ Հայաստանն էլ շարունակելու է ճնշումները Հայոց ցեղասպանության հարցի հետ կապված:
Խոսելով տեղի ունեցած և առաջիկայում սպասվելիք իրադարձությունների մասին՝ Սերգեյ Մինասյանը ընդգծեց, որ ինչպես նախորդ տարիներին, այս տարի ևս նոր զարգացումներ չի սպասվում:
«Թուրքիայի կողմից ինչպես այս տարի, այնպես էլ առաջիկա տարիներին ևս զարգացում չի սպասվում: Ինչպես նաև չկա որևէ հեռանկարային զարգացում Ռուսաստան-Արևմուտք հարաբերություններում: Լարվածության դրական զարգացումներ տեսանելի ապագայում չի լինելու, ինչի արդյունքում էլ կորուստներն ավելանալու են»,- նշեց քաղաքագետը:
