ԿԺԴՀ-ն նախազգուշացրել Է, որ հարվածներ կհասցնի Կորեայի Հանրապետությանը եւ ԱՄՆ-ին, եթե նրանք համատեղ զորավարժություններ անցկացնեն այս տարվա մարտ-ապրիլին:
Այդ մասին հաղորդել Է «Կիոդո» գործակալությունը՝ հղում անելով Կորեայի կենտրոնական հեռագրական գործակալությանը:
«Եթե ԱՄՆ-ի եւ Հարավային Կորեայի զինվորական ստորաբաժանումները որեւիցե համատեղ գործողություն ձեռնարկեն, որը կվկայի վարժանքների անցկացման մասին, մենք, որպես կանխիչ միջոց, հարվածներ կհասցնենք նրանց»,-նշվում Է գործակալության հաղորդագրության մեջ: ԿԺԴՀ-ի բանակը որպես գլխավոր թիրախներ Է ընտրել Հարավային Կորեայի նախագահի նստավայրը, ինչպես նաեւ ԱՄՆ-ը:
Հարավային Կորեան եւ ԱՄՆ-ը մարտին եւ ապրիլին պլանավորում են անցկացնել Key Resolve եւ Foal Eagle լայնածավալ համատեղ զորավարժությունները:
ԿԺԴՀ-ն պնդում Է, որ դրանք ուղղված են իր տարածք ռազմական ներխուժում նախապատրաստելուն եւ պահանջում Է չեղարկել վարժանքները, հաղորդել Է ՏԱՍՍ-ը:
