Կառավարության այսօրվա նիստում հավանության արժանացավ «Մասնակցին իր կենսաթոշակային հաշվում առկա միջոցներն ամբողջությամբ ստանալու պահանջ ներկայացնելու իրավունք տվող հիվանդությունների (վիճակների) ցանկը»:
Ըստ այդմ՝ առաջարկվում է որոշումն ուժի մեջ մտնելուց հետո` երեք ամսվա ընթացքում հաստատել սույն որոշմամբ հաստատված ցանկում ներառված հիվանդություններով հիվանդանալու դեպքում՝ ՀՀ առողջապահության նախարարության կողմից եզրակացության տրամադրման կարգը:
Նախագիծը ներկայացնող աշխատանքի և սոցիալական հարցերի նախարար Արտեմ Ասատրյանի խոսքով՝ առաջարկվում է, որ կենսաթոշակային հաշվում կուտակված գումարները կարող են ստանալ այն մարդիկ, որոնք համապատասխանում են այս որոշմամբ ընդունված հիվանդությունների շարքին:
Նման մասնակիցն իրավունք ունի ցանկացած ժամանակ, ներառյալ` նախքան կենսաթոշակային տարիքը լրանալը, օգտվել կենսաթոշակային հաշվին առկա գումարներից:
