Ռուսաստանի նախագահի մամլո խոսնակ Դմիտրի Պեսկովը հայտարարել է, որ ռուսական գործողությունները Սիրիայում չեն վատթարացնի ռուս-թուրքական հարաբերությունները, հաղորդում է RIA Novosti-ն:
Նրա խոսքով` Անկարայի և Մոսկվայի հարաբերություններն ունեն բավարար հզոր հիմք և փոխշահավետ են, հայտարարել է Պեսկովը` անդրադառնալով Թուրքիայում ՌԴ դեսպանին բողոքի նոտայի փոխանցման թեմային:
«Ինչ վերաբերում է կոնկրետ դեպքին, իրոք, մեր դեսպանին կանչել են ԱԳՆ և բողոքի նոտա փոխանցել: Դրանում խոսվում է մի շարք փաստերի մասին, որոնք ստուգվում են:
Հիշեցնենք, որ ավելի վաղ Թուրքիայի ԱԳՆ-ն կանչել է Ռուսաստանի դեսպանին` դժգոհություն հայտնելու երկրի օդային սահմանի խախտման կապակցությամբ: Ինչպես հաղորդել է թուրքական կողմը` հոկտեմբերի 3-ին ռուսական ռազմական օդանավը խախտել է Թուրքիայի օդային սահմանը՝ Սիրիայի մոտ: Օդ են հանվել Թուրքիայի ռազմաօդային ուժերի երկու F-16 կործանիչներ:
