ՀՀ Գլխավոր դատախազությունն ուսումնասիրում է իրավապաշտպան Արթուր Սաքունցի դիմումը, որով նա պահանջում է հարցաքննել Սերժ Սարգսյանին: Այս մասին Araratnews.am-ին հայտնեցին ՀՀ գլխավոր դատախազության հասարակայնության հետ կապերի վարչությունից: Այլ մանրամասներ կառույցից չեն հայտնում: Մեր հարցին, թե Սերժ Սարգսյանին կհարցաքննե՞ն, դատախազության հասարակայնության հետ կապերի վարչությունից նշեցին, թե իրավական ընթացք կա, եւ դա որոշվում է ուսումնասիրությունից հետո:
Հիշեցնենք, որ Արամ Զ. Սարգսյանն «Առաջին լրատվական»-ի եթերում, խոսելով հոկտեմբերի 27-ի ոճրագործության մասին, ասել է, որ ժամանակին Սերժ Սարգսյանն իրեն խոստովանել է, թե հոկտեմբերի 27-ը կազմակերպված է ու մի օր կասի, թե ով էր կազմակերպել։
