ՈՒԵՖԱ-ի արտակարգ իրավիճակների աշխատանքային խումբը որոշել է Կոսովոյի ու Ջիբրալթարի հավաքականներին ընդգրկել 2018-ի Ֆուտբոլի աշխարհի առաջնության ընտրական փուլի մասնակից հավաքականների շարքերում, հայտնում է ՈւԵՖԱ-ի պաշտոնական կայքը:
Կոսովոն ընդգրկվել է I խմբում, որտեղ նրա մրցակիցներն են լինելու Խորվաթիայի, Իսլանդիայի, Ուկրաինայի, Թուրքիայի ու Ֆինլանդիայի ընտրանիները, իսկ Ջիբրալթարը ընդգրկվել է H խմբում և փաստացի փոխարինել Ռուսաստանի հավաքականին, որն առաջնության կազմակերպիչն է: Ջիբրալթարը կմրցի Բելգիայի, Բոսնիայի, Հունաստանի, Կիպրոսի ու Էստոնիայի հետ:
Կոսովոն ու Ջիբրալթարը ՖԻՖԱ-ի կազմում են ընդգրկվել մայիսի 13-ին:
