Կիևի քաղաքապետ Վիտալի Կլիչկոն չի կարողացել միանշանակ պատասխանել ուկրաինական հեռուստաալիքներից մեկի լրագրողուհու հարցին, թե որտեղ է գտնվում իր կինը: Այս մասին հաղորդում է RIA Novosti-ն:
Մի փոքր մտածելուց հետո Կլիչկոն հայտարարել է, որ իր կինը «գտնվում է ամենուր»: Քիչ անց Կիևի քաղաքապետը մանրամասնել է, որ իր կողակիցը «գտնվում է կիևում, սակայն մեկնել է Գերմանիա»:
Միայն երրորդ փորձից աշխարհահռչակ բռնցքամարտիկը վերջապես նշել է, որ իր կինը միշտ այնտեղ է, որտեղ և ինքն է:
Նշենք, որ Վիտալի Կլիչկոն սրանից առաջ էլ հայտնի էր հանրության առաջ ելույթ ունենալու իր անկարողությամբ: Իր զավեշտալի արտահայտությունների պատճառով նա մեծ մասսայականություն է վայելում համացանցում:
