Կիևի քաղաքապետ Վիտալի Կլիչկոն հայտնի ընդդիմադիր Բորիս Նեմցովի դստեր՝ Ժաննայի հետ հանդիպման ժամանակ առաջարկել է մայրաքաղաքի փողոցներից մեկը վերանվանել նրա հոր անունով:
Վոզդուխոֆլոտսկի փողոցը, որի վրա է գտնվում ՌԴ դեսպանատունը, հնարավոր է Բորիս Նեմցովի անունով վերանվանվի: Քաղաքապետի կայքում ասվում է, որ Նեմցովի դուստրը այդ ձեռնարկը հավանել է:
Կիևի քաղաքապետի ու քաղաքական գործչի դստեր հանդիպումը տեղի է ունեցել գերմանական Քյոլնում, Lichtgestalt Sport մրցանակի հանձնման հանդիսության ժամանակ:
