ԱՄՆ-ի նախագահի դեմոկրատ թեկնածու Հիլարի Քլինթոնը հինգշաբթի օրվանից կվերսկսի մասնակցությունը իր քարոզարշավին: Այդ մասին երեքշաբթի հաղորդել է Քլինթոնի նախընտրական շտաբը:
«Մենք հինգշաբթի կվերսկսենք ուղևորությունները նախընտրական քարոզարշավի շրջանակներում»,- հաղորդել է Քլինթոնի նախընտրական շտաբի ներկայացուցիչը:
Հիշեցնենք, որ Հիլարի Քլինթոնը առողջական վիճակի պատճառով ընդհատել էր քարոզարշավը: Նրա առողջական վիճակը կրկին հայտնվել էր ուշադրության կենտրոնում՝ Նյու Յորքում 2001 թ. սեպտեմբերի 11-ին տեղի ունեցած ահաբեկչության զոհերի հիշատակին նվիրված սգո արարողությունների ժամանակ քաղաքական գործչի ուշագնացությունից հետո:
