Հոկտեմբերի 4-ին, ժամը 23.18-ին ահազանգ է ստացվել, որ երկու քաղաքացի բարձրացել են Արագած լեռան հյուսիսային լանջով և մոլորվել. անհրաժեշտ է փրկարարների օգնությունը: Այս մասին հայտնում է ԱԻՆ մամուլի ծառայությունը:
Դեպքի վայր է մեկնել մեկ մարտական հաշվարկ:
Պարզվել է, որ քաղաքացիները բարձրացել են Արագած լեռան արևելյան լանջը և չեն կարողանում իջնել:
Ս. թ. հոկտեմբերի 5-ին, ժամը 04.51-ին 1958 թ. ծնված Ա. Մ.-ը և 1971 թ. ծնված Ա. Թ.-ը իջել են անվտանգ տարածք և մոտեցել ավտոմեքենային:
