Աֆղանստանի մայրաքաղաք Քաբուլում, ԱՄՆ դեսպանատան մոտ ուժեղ պայթուն է որոտացել: Դեսպանատան հարևանությամբ է տեղակայված նաև ՆԱՏՕ-ի առաքելության գրասենյակը, հայտնում է reuters գործակալությունը:
Շենքերի վնասման մասին տեղեկատվություն չի հաղորդվում, սակայն Աֆղանստանի իշխանությունները հայտնել են, որ ահաբեկչության հետևանքով կան զոհվածներ և վիրավորներ:
Աֆղանստանի նախագահ Աշրաֆ Գանին դատապարտել է հարձակումը: Որոշ տվյալների համաձայն, ահաբեկչության թիրախը եղել է աֆղանական անվտանգության գործակալության շենքը:
