Պորտուգալական «Պորտուի» դարպասապահ Իկեր Կասիլյասը նվաճել է «Golden Foot-2017»-ը: Այս մասին հայտնում է «AS» պարբերականը:
Մրցանակը ամեն տարի հանձնվում է 28-ից բարձր տարիք ունեցող ֆուտբոլիստներին: Մրցանակաբաշխությունը տեղի կունենա երեքշաբթի՝ Մոնակոյում: Նախորդ տարի հաղթող էր ճանաչվել «Յուվենտուսի» դարպասապահ Ջանլուիջի Բուֆոնը:
Այս տարի հաղթողի կոչման համար պայքարում էին նաև Կրիշտիանու Ռոնալդուն, Լիոնել Մեսսին, Մանուել Նոյերը, Սերխիո Ռամոսը, Արյեն Ռոբենը, Տիագո Սիլվան, Լուիս Սուարեսը, Յայա Տուրեն և Անդրեա Պիրլոն:
