ՀՀ Կառավարությունն այսօրվա նիստում հաստատեց «Արցախի Հանրապետությունը ճանաչելու մասին» օրենքի նախագծի վերաբերյալ կառավարության եզրակացությունը: Առանց որեւէ հավելյալ մանրամասների վարչապետ Հովիկ Աբրահամյանը նշեց, որ այն հաստատում են: Նիստում փոխարտգործնախարար Շավարշ Քոչարյանը նշեց, որ նախագծի ընդունումը պայմանավորվում է Հայաստանի և Արցախի միջև քննարկումների արդյունքներով՝ հաշվի առնելով հետագա զարգացումները, այդ թվում նաև արտաքին գործոնները:
Նշենք, որ նիստին ներկա էր նախագծի հեղինակներից ԱԺ պատգամավոր Զարուհի Փոստանջյանը:
