«Ոչ միայն տեսանյութը պետք է նայեմ, այլև պետք է իրեն կանչեմ ու զրուցեմ իր հետ»,- Araratnews.am-ի հետ զրույցում ասաց ՀՀԿ խմբակցության ղեկավար Վահրամ Բաղդասարյանը` անդրադառնալով իրենց խմբակցության պատգամավոր Մհեր Սեդրակյանի և լրագրողների միջև տեղի ունեցած միջադեպին:
Հիշեցնենք` Հանրապետական պատգամավոր Մհեր Սեդրակյանը վիրավորել է լրագրողներին` անվանելով «նախիր»:
Պարոն Բաղդասարյանն ասաց, որ պայմանավորվել են պարոն Սեդրակյանի հետ ու վաղն առավոտյան հանդիպելու են` «զրուցեն»: Ապա նշեց, որ ցանկացած նման երևույթ իրենց խմբակցության կողմից քննադատության է արժանանում:
