Իտալիայում երկու մարդատար գնացքների բախման հետևանքով զոհերի թիվը հասել է 25-ի, տասնյակ մարդիկ վիրավորվել են, շատերի վիճակը ծանր է` հաղորդում է BBC-ն:
Դեպքի վայր է ժամանել երկրի վարչապետ Մատեո Ռենցին: Տեղական իշխանությունները դիմել են բնակիչներին` խնդրելով արյուն հանձնել տուժածների համար: Դեպքի վայրում աշխատել է մոտ 200 մարդ: Փրկարարներն օգնել են ուղևորներին դուրս գալ ավերված վագոններից:
Գնացքների դիմային բախման պատճառները դեռևս անհայտ են: Իրավապահները ենթադրում են, որ պատճառը մարդկային գործոնն է եղել:
