Իսրայելը մի քանի օդային հարված է հասցրել Գոլանի բարձունքներում դիրքավորված սիրիական բանակի ուղղությամբ, հաղորդում է Reuters գործակալությունը:
Առայժմ զոհերի և ավերածությունների մասին չի հաղորդվում: Իսրայելի պաշտպանության բանակում հայտնել են, որ բանակի հրետանին կրակ է բացել Սիրիայի ուղղությամբ այն ժամանակ, երբ Իսրայելի կողմ է անցել մեկ հրթիռ:
Իսրայելական բանակում կարծում են, որ դա տեղի է ունեցել հակառակ կողմերի միջև մարտերի ժամանակ հրթիռը սխալ ուղղությամբ արձակելու պատճառով:
