Իսպանիայի Բունյոլ քաղաքում այսօր մեկնարկել է ավանդական La Tomatina փառատոնը, հաղորդում է lenta.ru-ն:
Միմյանց վրա հասուն լոլիկներ նետելուն մասնակցել է 40 հազար մարդ, որի վրա ծախսվել է 40 տ լոլիկ (մոտ 150 հազար հատ):
“Տոմատամարտից” հետո, որն առավոտյան 10-ից 11-ն է տևել, իշխանություններն անցել են քաղաքային փողոցների մաքրման աշխատանքներին, իսկ մասնակիցներն էլ հասարակական ցնցուղների տակ մաքրվել են “մարտի” հետքերից:
Ավանդաբար այս տոնը մեկ շաբաթ է տևում: Բունյոլից հետո լոլիկամարտեր են սկսվելու նաև Իսպանիայի մյուս քաղաքներում:
Տոնն անց է կացվում 1945-ից: Մարտի կաննոների համաձայն, լոլիկը սկզբում պետք է ճզմել, ապա միայն նետել հակառակորդի վրա: Այլ բանջարեղենի գործածումն արգելված է: Մարտը տևում է ուղիղ մեկ ժամ ու դադարում ավարտի ազդարարման պես: 70-րդ փառատոնին տոնավաճառ է գործել, երաժշտական համարներ, շքերթ, պարեր ու հրավառություն է եղել:
