Առնվազն 50 մարդ դարձել է Նիգերիայում և աֆրիկյան այլ երկրներում գործող ահաբեկչական «Բոկո Հարամ» խմբավորման զոհ Նիգերիայի հյուսիսարևելյան շրջաններից մեկում։ Համացանցում հայտնվել է 50 մարդու մահապատժի ենթարկելու տեսանյութ։
Այն իրականացվել է Բորնո նահանգի Բամա բնակավայրի բնակիչների դեմ։ Բոլոր մահացածները տարեց մարդիկ են։ Հանցագործությունը տեղի է ունեցել դեռևս հոկտեմբեր ամսին։ Ըստ իշխանությունների՝ դա իրականացվել է տեղի բնակչությանը վախեցնելու նպատակով։
