«Իսլամական պետություն» ծայրահեղական խմբավորման գրոհայինները հայտարարել են, որ կսպանեն Ճապոնիայի 2 քաղաքացուն, եթե 3 օրվա ընթացքում պաշտոնական Տոկիոն իրենց 200 միլիոն դոլար չվճարի:
Associated Press-ի փոխանցմամբ՝ այս մասին նշվում է իսլամիստների կողմից համացանցում հրապարակված նոր տեսանյութում:
Ըստ առկա տեղեկությունների՝ տեսանյութում պատկերված են Ճապոնիայի քաղաքացիներ Գոտո Ձյոգո և Հարունա Յուկավան:
Պաշտոնական Տոկիոն առայժմ որևէ կերպ չի մեկնաբանել ահաբեկիչների այս պահանջը: Նշենք, որ սա Ճապոնիայի քաղաքացիների մասնակցությամբ նման առաջին դեպքն է «Իսլամական պետությունում»:
