Պենտագոնի մամուլի քարտուղար Ջոն Քիրբին հայտարարել է, որ ԱՄՆ-ն կոալիցիայի հետ համատեղ «Իսլամական պետությանը» կհաղթի հինգ տարվա ընթացքում։ Այս մասին հաղորդում են ամերիկյան լրատվամիջոցները։
«Չեմ կարող ասել, թե ինչքան ժամանակ դա կտևի։ Ասենք՝ 3-5 տարի», — ասել է նա։ Պենտագոնի ներկայացուցչի խոսքերով՝ ԱՄՆ-ն հենց սկզբից էր ասում, որ ահաբեկիչների հետ պայքարը ծանր և երկարատև է լինելու։
Ավելի վաղ Պենտագոնի ղեկավարն ասել էր, որ ամերիկացիները կարող են ցամաքային զորքեր ուղարկել Իրաք, սակայն ժամկետներ չէր նշել։
