Կրոնական ծայրահեղականության դեմ պայքարը շատ կարևոր է, մանավանդ այն պայմաններում, երբ «Իսլամական պետություն» խմբավորումը, որն աղճատում է իսլամը, փորձում է հետևորդներ գտնել Ռուսաստանում: Նման կարծիք է հայտնել ՌԴ նախագահ Վլադիմիր Պուտինը` Մոսկվայում և Եվրոպայում ամենամեծ մզկիթի բացման ժամանակ:
«Այս ուղղությամբ աշխատանքը այսօր շատ կարևոր է, երբ փորձեր են արվում ցինիկաբար շահագործել կրոնական զգացմունքները քաղաքական նպատակներով», — ասել է Ռուսաստանի առաջնորդը և որպես օրինակ բերել Մերձավոր Արևելքը , ուր ԻՊ ահաբեկիչները կեղծիքի ու իսլամի օգտագործմամբ սպանում են մարդկանց, տարածում ատելություն, ոչնչացնում պատմական հուշարձանները:
«Նրանց գաղափարախոսությունը խարսխված է ստի, իսլամի իսկական աղճատման վրա: Նրանք փորձում են իրենց կողմնակիցներ գտնել մեր երկրում», — ասել է Պուտինը:
