Ռուսաստանի նախագահ Վլադիմիր Պուտինը հարցազրույց է տվել եգիպտական «Ալ-Ահրամ» օրաթերթին։ Այս հացազրույցը նախորդել է այսօր մեկնարկելիք այցին Կահիրե։
Պուտինն ասել է, որ գրոհայինների դեմ կոալիցիայի գործողություններն Իրաքում և Սիրիայում չեն համապատասխանում իրական վտանգի ծավալներին։ Ըստ նրա՝ օդային հարվածներով հնարավոր չի լինի պայքարել «Իսլամական պետության» դեմ։
Պուտինը նաև նշել է, որ կոալիցիայի գործողություններն իսլամիստների դեմ անօրինական են առանց ՄԱԿ-ի անվտանգության խորհրդի թույլտվության։ Ըստ Պուտինի՝ դաշնակիցները հաշվի չեն առնում մասնավորապես այն պետությունների շահերը, որոնց տարածքում տեղի են ունենում ռմբակոծությունները՝ բերելով Սիրիայի օրինակը, որի իշխանությունները նման հարվածների թույտվութոյւն չեն տվել։
