Թեհրանում, Բանակի օրվա կապակցությամբ տեղի է ունեցել զորահանդես, որի ներկա է եղել Իրանի նախագահ Ռոհանին:
Rosbalt-ի փոխանցմամբ, զորահանդեսի ժամանակ առաջին անգամ ցուցադրվել են ռուսական զենիթահրթիռային համակարգերը:
Նշենք, որ անցած տարեվերջին, ռուսական կողմը հաղորդել էր, որ Ռուսաստանը սկսել է С-300-ի մատակարարումն Իրանին, որի համար դեռ 2007 թվականին 900 միլիոն դոլարի պայմանագիր էր կնքվել: Իրանի դեմ ՄԱԿ-ի Անվտանգության խորհրդի կողմից սահմանված պատժամիջոցներից հետո Ռուսաստանը դադարեցրել էր հրթիռների մատակարարումը, սակայն ՌԴ նախագահ Պուտինի 2015 թվականի ապրիլին ստորագրված հրամանագրի համաձայն վերսկսվել է С-300-ների տրամադրումն Իրանին:
