Իրանի ժողովուրդը հաստատակամ է անարդար պատժամիջոցներին, Արևմուտքի ճնշմանը, երկրի դեմ ելույթներին դիմակայելու համար: Այս մասին հայտարարել է Իրանի նախագահ Հասան Ռուհանին` ելույթ ունենալով այաթոլլահ Խոմեյնիի մահվան տարելիցի միջոցառման ժամանակ: Հաղորդում է IRNA գործակալությունը:
Նախագահի խոսքերով` իմամ Խոմեյնու կողմից Իրանի ղեկավարումը թույլ է տվել երկրին դիմագրավել դժվարություններին: Ռուհանին հավելել է, որ Իրանը ոչ միայն խաղաղություն է ապահովել երկրի ներսում, այլ օգնություն է ցուցաբերում տարածաշրջանի երկրներին:
«Իրանի ժողովուրդն օգնում է Իրաքի, Սիրիայի, Լիբանանի, Եմենի և տարածաշրջանի այլ երկրների ժողովուրդների ահաբեկչության, բռությունների և ծայրահեղականության դեմ պայքարում», — ասել է Ռուհանին:
