Իրանի և «Վեցյակի» միջև միջուկային ծրագրի վերաբերյալ համաձայնությունը պետք է հաստատվի ՄԱԿ-ի անվտանգության խորհրդում։ Այս մասին հաղորդում է Interfax գործակալությունը։
Նշվում է, որ Սպիտակ տան աշխատակազմի ղեկավար Դենիս Մաքդանը նամակ է հղել ԱՄՆ կոնգրեսի անվտանգության հարցերով հանձնաժողովի նախագահ Բոբ Քոքերին, որում նշվում է նման քվեարկության անհրաժեշտությունը։
«ՄԱԿ-ի ԱԽ-ն նույնպես իր դերակատարությունը կունենա Իրանի հետ ցանկացած պայմանավորվածության դեպքում», — ասել է Մաքդանը։ Նրա խոսքերով՝ դա անհրաժեշտ է ՄԱԿ-ի կողմից Թեհրանի նկատմամբ պատժամիջոցները հանելու համար։
