Իրանը չի մասնակցում Իրաքում «Իսլամական պետության» դեմ ռազմական գործողություններին։ Այս մասին հայտարարել է Իրանի Իսլամական հանրապետության արտգործնախարար Մարզիյե Աֆկամը։
Ինչպես նշում է «Մեհր» գործակալությունը՝ ելույթ ունենալով մամուլի ասուլիսում՝ արտգործնախարարության պաշտոնյան հերքել է մամուլում հայտնված այն տեղեկությունները, թե Իրանի օդուժը ռմբակոծել է իսլամիստների դիրքերը։
«Իսլամիստների դեմ Թեհրանի քաղաքականությունը չի փոխվել։ Մենք օգնում ենք Իրաքին՝ ԻՊ-ի դեմ պայքարում մեր խորհուրդներով։ Այն տեղեկությունները, թե իրանցիները համագործակցել են միջազգային ուժերի հետ ԻՊ-ի դեմ պայքարում՝ ո՛չ հավաստի է, ո՛չ ճշգրիտ», — ասել է Աֆկամը։
