Երեկ Իրաքի քրդական Էրբիլ քաղաքում Իրաքյան Քրդստանի ինքնավարության առաջնորդ Մասուդ Բարզանին հայտարարել է, որ քրդական զինված խմբերին` փեշմերգային, հաջողվել է «Իսլամական պետությունից» ազատագրել 3 հազար քառակուսի կիլոմետր տարածք: Այս մասին հաղորդում է TASS գործակալությունը:
«Փեշմերգայի ուժերին վերջի օրերին հաջողվել է մաքրել 3 հազար քառակուսի կիլոմետր տարածք», — ասել է նա ԵՄ արտաքին հարաբերությունների գլխավոր պատասխանատու Ֆրեդերիկա Մոգերինիի հետ և Նիդերլանդների արտգործնախարար Բերթ Կունդերսի հետ համատեղ մամուլի ասուլիսի ժամանակ: Բարզանին նաև նշել է Թուրքիայի դերակատարությունն այս հարցում, որն աջակցել է քրդական խմբավորումներին և բացել ճանապարհը դեպի Քոբանի քաղաք:
