Նրբաճաշակություն, նրբագեղություն, ինքնատիպ լուծումներ՝ դիզայներ Աննա Սուքիասյանի «Անկասա» բրենդի հագուստներն այսպես կարելի է բնութագրել:
Դիզայներն առաջարկում է երեկոյան բազմազան զգեստներ տարբեր ճաշակի կանանց:
«Անկասա» բրենդի երեկոյան զգեստներն աչքի են ընկնում ոչ միայն տարբերվող դիզայնով, այլեւ որակյալ կտորների օգտագործմամբ: Դիզայներն աշխատում է լավագույն ու շատ հմուտ 7 դերձակի հետ, որոնցից երկուսի հետ զրուցեց Araratnews.am-ը:
Թամար Օհաննես՝ լիբանանահայ դերձակ: Երկար տարիներ համագործակցել է Էլի Սաաբի, Այիշա Հաշմի աշխարհահռչակ դիզայներների, ապա` Աշի ստուդիայի հետ:
Բեյրութում Աննա Սուքիասյանի հետ ծանոթանալու հետո Թամար Օհաննեսը վերադարձել է Հայաստան եւ որոշել համագործակցել դիզայների հետ: «Բավական հեշտ է աշխատել Աննա Սուքիասյանի հետ, քանի որ նա դրսեւորում է պրոֆեսիոնալ մոտեցում: Միայն այն, որ հագուստի համար օգտագործում ենք բարձրակարգ եւ բնական կտորներ, ասածիս լավագույն ապացույցն է»,— ասաց Թամար Օհաննեսը:
Հմուտ դերձակը հավաստիացնում է՝ կան բոլոր նախադրյալները «Անկասա»-ի՝ միջազգային այլ բրենդների հետ մրցելու համար:
«Անկասա»-ի հմուտ մյուս դերձակն Անուշ Դանիելյանն է. ուսանել է Սանկտ Պետերբուրգում, աշխատել Ռուսաստանում տարբեր դիզայներների հետ: Արդեն մի քանի տարի է` համագործակցում է «Անկասա»-ի հետ: Նրան հիացնում է Աննա Սուքիասյանի միտքը, մոտեցումը, ճաշակը, գունային համադրությունը, աշխատանքի որակը: «Բազմագույն, մեկը մյուսից տարբերվող հագուստ, կտորի ճիշտ ընտրություն ու ամենակարևորը՝ «Անկասա» բրենդը բնավորություն ունի»,— անկեղծանում է պրոֆեսիոնալ դերձակը:
«Անկասա» բրենդի հագուստը ոչ միայն բազմազան է, այլեւ մատչելի ու հարմար յուրաքանչյուրին:
Զգացե՛ք «Անկասա» –ի շունչը: Հասցեն անփոփոխ՝ քաղաք Երեւան, Խորենացի փողոցի 2-րդ նրբանցք: Հեռախոսահամար՝ 098728944:
