Մաշկը խնամք է պահանջում տարվա ցանկացած եղանակին: Խնամքի անհրաժեշտությունը բարձրանում է հատկապես ձմռանը, երբ մաշկը դառնում է առավել զգայուն:
«Խնամքը սկսելուց առաջ պետք է հասկանալ, թե ինչ տեսակի մաշկի հետ գործ ունենք: Կարելի է առանձնացնել մաշկի հետևյալ տեսակներըˋ չոր, կայուն, ճարպոտ և պրոբլեմատիկ: Դրանք բոլորն էլ խնամքի կարքի ունեն, հատկապես ձմռանը, երբ մաշկի ցրտահարման վտանգը մեծանում է, որովհետև ցրտի պատճառով բոլոր տիպի մաշկերը դառնում են անկայուն և անգամ դիմահարդարումը հեռացնելու միջոցները պետք է ճիշտ ընտրել: Դրանք չպետք է պարունակեն սպիրտ, խոնավեցնող քսուքներ: Եթե մարդ օգտագործում է խոնավեցնող քսուքներ, ապա խորհուրդ է տրվում այն քսել տանից դուրս գալուց կես ժամ առաջ»,-այսօր լրագրողների հետ հանդիպման ժամանակ նշեց բժիշկ-կոսմետոլոգ, մաշկաբան Լիլիթ Հարությունյանը:
Բանախոսը նկատեց, որ չոր, զգայուն և տարիքային մաշկի համար բացի խոնավեցնող քսուքներից, անհարժեշտ է օգտագործել սնուցող և ճարպաթթուներով հարուստ քսուքներ: Ճարպոտ և պրոբլեմատիկ մաշկի դեպքում վիճակը փոքր-ինչ այլ է: Այս դեպքում մասնագետը խորհուրդ չի տալիս հագեցած ճարպաթթու պարունակող քսուքներ օգտագործել, փոխարենը կարելի է օգտագործել վիտամին E, D, իսկ լայնացած անոթների դեպքում նաև վիտամին C և K պարունակող քսուքներ:
«Ճարպոտ մաշկի դեպքում խորհուրդ է տրվում օրը երկու անգամ դեմքը լվանալ ճիշտ քսուքներով, որոնք պարունակում են մրգաթթուներ: Դրանք նպաստում են ծակոտիների քչացմանը, իսկ եթե մաշկը պրոբլեմատիկ է, պետք է նախ պատճառը պարզել: Հաճախ խնդիրները առաջանում են հորմոնալ և միկրոֆլորային խանգարումների արդյունքում, այս դեպքում առաջացած, աղիներում միկրոֆլորայի խանգարման արդյունք լինել: Այս դեպքում անհրաժեշտ է անցնել բժշկական հետազոտություն, որից հետո նոր կարելի կլինի բուժում առաջարկել»,-նկատեց բանախոսը:
Ինչ վերաբերում է դեռահասների շրջանում տարածված մաշկային խնդիրներին, ապա մասնագետը նշեց, որ դեռահասների դեպքում համար առաջին խնդիրը ցանի խնդիրն է, որը մեծամասամբ առաջանում է հորմոնալ դիսբալանսի պատճառով: Այս դեպքում մաշկը սկսում է ցանով և բշտիկներով պատվել:
Վարդուհի Ստեփանյան
