Անցյալ տարի՝ թավշյա հեղափոխությունից հետո, վարչապետ Նիկոլ Փաշինյանը սփյուռքի նախարար Մխիթար Հայրապետյանին նշանակելիս կարևորել էր սփյուռքի դերը եւ ասել՝ իշխանության նպատակն է հայրենադարձություն կազմակերպել:
Փաշինյանի այս հայտարարությունից հետո, Araratnews.am-ի տեղեկություններով, կառավարությունում քննարկում են Հայաստանում ժողովրդագրական վիճակի բարելավման խնդիրը:
Մեր տեղեկություններով՝ աշխատանքի և սոցիալական հարցերի նախարարության ժողովրդագրության բաժինը ժողովրդագրական պատկերը փոխելու առաջարկներ է ուղարկել գործադիր մարմին: Հավանաբար աշնանն արդեն կառավարությունը դրանք կներկայացնի հանրությանը:
