«Ի՞նչ է պետք է գյուղացուն՝ գոմը քանդելու համար», — 2014թ-ի պետական բյուջեի կատարողական քննարկման ժամանակ այս մասին ՀԱԿ պատգամավոր Արամ Մանուկյանը հարցրեց Քաղաքաշինության նախարար Նարեկ Սարգսյանինˋ ընդգծելով այն հանգամանքը, որ այդ աշխատանքներն իրականացնելու համար գյուղացին ստիպված է լինում փաստաթղթերի մի ամբողջ շարք ներկայացնել:
Նախարարը նշեց, որ կիսում է ՀԱԿ պատգամավորի մտահոգությունները, հարցն իր համար ընդունելի է, քանի որ քանդման կարգերի հետ կապված կան բազմաթիվ չհիմավորված պահանջներ:
Նարեկ Սարգսյանը հայտնեց, որ, ըստ կառավարության որոշման, բազմաթիվ փոքր և միջին օբյեկտների քանդման համար այլևս փաստաթղթեր չեն պահանջվում:
