Հունաստանում պետական աշխատողները զանգվածային գործադուլ են սկսել: Նրանք դեմ են կենսաթոշակային համակարգի և սոցիալական ապահովության բարեփոխումներին, տեղեկացնում է «Ռոսբալթ» լրատվական գործակալությունը:
Կեսգիշերից Հունաստանում դադարեցվել են ավիափոխադրումները, բոլոր չվերթները չեղյալ են հայտարարվել: Բողոքի ակցիաներին միացել են նաև լրագրողները: Նշվում է, որ պետական և մունիցիպալ հաստատությունները մտադիր չեն վերսկսել աշխատանքը:
Բողոքի զանգվածային ակցիաները կազմակերպել են ADEDY արհմիությունն ու քաղաքացիական ավիացիայի ծառայողների ֆեդերացիան (OSYPA): Նրանք դեմ են 14 պետական օդանավակայանները գերմանական ընկերություններին վաճառելուն:
