Հունաստանի վճռաբեկ դատարանի ղեկավար Վասիլիկի Տանու-Քրիստոֆիլուն պաշտոնապես նշանակվել է Հունաստանի անցումային կառավարության ղեկավար` Ալեքսիս Ցիպարիսի պաշտոնաթողությունից հետո, հաղորդում է BBC-ի Ռուսական ծառայությունը:
Այդպիսով, Տանու-Քրիստոֆիլուն դարձավ երկրի պատմության մեջ առաջին կինը, որ զբաղեցրեց այդ պաշտոնը:
Տանուի նշանակումը նախատեսված է Հունաստանի սահամանդրությամբ, որտեղ ասվում է, որ վարչապետի հրաժարականից հետո անցումային շրջանում, մինչ հաջորդ ընտրությունները կառավարության ղեկավար է դառնում Գերագույն դատարանի ղեկավարը:
Հունաստանում արտահերթ ընտրությունների ամսաթիվը պետք է հայտարարի նախագահը` Պրոկոպիս Պավլոպուլոսը, մեկ շաբաթվա ընթացքում: Սպասվում է, որ դրանք տեղի կունենան սեպտեմբերի վերջին:
