Հռոմի պապ Ֆրանցիսկոսը, երեկ ելույթ է ունեցել կապիտոլիումում ԱՄՆ կոնգրեսի ներկայացուցիչների առջև` կոչ անելով ավելի մարդասիրական մոտեցում ցուցաբերել ներգաղթյալների հարցում:
Հռոմի պապի ելույթը բազմիցս ընդհատվել է կոնգրեսականների բուռն ծափահարություններով:
Պապն անդրադարձել է նաև աբորտների հարցին` նշելով, որ մարդկային կյանքերը պետք է պաշտպանվեն:
Ըստ Հռոմի պապի` աշխարհում զինված հակամարտությունները պետք է դադարեցնել, իսկ դրան կարող է նպաստել զենքի վաճառքի դադարեցումը, ինչը մյուսների կյանքի հաշվին հարստահարվելու գործընթաց է:
«Մենք մեզ պետք է հարց տանք, թե ինչու է մահաբեր զենք վաճառվում նրանց, ովքեր բազմաթիվ ապրումներ են պատճառում առանձին մարդկանց և հանրույթներին: Ցավոք, սրա պատասխանը բոլոր գիտեն` փողը: Արյունով լվացված գումարները, և հաճախ` անմեղ արյունով», — ասել է նա:
