Հռոմի պապն արմատապես փոխել է Կաթոլիկ եկեղեցում կնքված ամուսնությունը չեղյալ հայտարարելու կարգը, գրում է Associated Press-ն:
Կաթոլիկ եկեղեցում ամուսնալուծություն հասկացություն չկա: Նորից ամուսնանալ ու եկեղեցական օրենքները չխախտել կարելի է միայն ամուսիններից մեկի մահվան դեպքում:
Գոյություն ունի նաև ամուսնությունը չեղյալ հայտարարելու մի հնարավորություն, երբ այն իրականում գոյություն չունեցող է ճանաչվում: Չեղյալ հայտարարման այս տեսակը վաղուց է քննադատության արժանանանում, քանի որ այն շատ բարդ է , թանկ ու շատերի համար ոչ մատչելի: Կաթոլիկների համար, երբեմն, ամուսնալուծությունը տարիներ է տևում ու հարյուր հազարավոր դոլարներ են ծախսվում այդ գործընթացի վրա:
