Հռոմի Ֆրանցիսկոս պապը փոփոխություններ Է մտցրել ամուսնության լուծարման ընթացակարգում՝ այն դարձնելով ավելի պարզ եւ արագ: Այս մասին, ինչպես տեղեկացնում Է «Արմենեպրես»-ը՝ հաղորդել Է Reuters գործակալությունը:
Հունիսին Հռոմի պապն ընդունել Է «բացառիկ հանգամանքներում» ամուսնալուծության հնարավորությունը: «Գոյություն ունեն դեպքեր, երբ ապահարզանն անխուսափելի Է: Երբեմն այն կարող Է բարոյապես անհրաժեշտ դառնալ»,- պարզաբանել Է քահանայապետը:
Ընտանիքի առջեւ ծառացած մարտահրավերները, դրա կոչումը եւ առաքելությունը դարձել են հրապարակված Աշխատանքային փաստաթղթի (Instrumentum laboris) հիմնական թեմաները: Այն հասցեագրված Է Եպիսկոպոսների սինոդի առաջիկա 14-րդ Գլխավոր ասամբելային, որը նվիրված Է ընտանիքին: Համաժողովը կկայանա հոկտեմբերին Վատիկանում: ՝
Relatio Synodi-ն հավաստում Է ընտանիքի արժեքը, որը հիմնված Է տղամարդու եւ կնոջ ամուսնության վրա՝ ընդգծելով դրա դրական կողմերը, եւ հիշատակում Է անբարեհաջող ընտանիքների նկատմամբ համբերությամբ եւ տակտով վերաբերվելու անհրաժեշտության մասին:
Տեքստում ընդգծված Է, որ միասեռ դաշինքները համեմատության ենթակա չեն տղամարդու եւ կնոջ ամուսնության հետ, եւ անթույլատրելի Է այդ հարցում եպիսկոպոսների վրա որեւԷ ճնշում գործադրելը, հաղորդել Է ՏԱՍՍ-ը:
