Այսօր առավոտյան Հոնգկոնգում սկսվել է ցուցարարների և ոստիկանների նոր բախում։ Այս մասին հաղորդում է ITAR-TASS գործակալությունը։
Նշվում է, որ բախումների ժամանակ ձերբակալվել է 26 մարդ, ոստիկանության 15 աշխատակից վիրավորվել է։ Ոստիկանության տեղեկություններով՝ բողոքի ակցիային մասնակցել է առնվազն 9 հազար մարդ։ Ցուցարարներին ցրելու համար ոստիկաններն օգտագործել են հատուկ միջոցներ, այդ թվում՝ մահակներ և արցունքաբեր գազ։
Հիշեցնենք, որ Հոնգկոնգում բողոքի ակցիաները սկսվել են այն բանից հետո, երբ Պեկինը որոշում է կայացրել, որ այդ ինքնավար շրջանի ղեկավարի ընտրություններին մասնակցող թեկնածուներին պետք է հաստատի Չինաստանի կենտրոնական իշխանությունը։ Ցուցարարները պահանջում են անցկացնել ուղիղ, թափանցիկ ընտրություններ՝ առանց Պեկինի միջամտության։
