Այն բանից հետո, երբ Տաջիկստանում կոչեր են հնչել գալու հակակառավարական հանրահավաքի, որը կայանալու է հոկտեմբերի 10-ին, անջատվել է ավելի քան 200 կայք, որոնց թվում են Facebook-ը, В Контакте-ն, YouTube-ը, ռուսաստանյան լրատվական կայքեր, և այլն։
Համացանցային կապ ապահովող ընկերությունները անանունության սկզբունքով հայտնել են, որ երկրի իշխանություններից ստացել են արգելափակման ենթակա կայքերի ցուցակը։ Կառավարությանն առընթեր կապի ծառայության ղեկավար Բեգ Սաբուրին հերքել է իր կապը անջատումների հետ, սակայն հավելել, որ այդ կայքերը «չեն ցանկանում խաղաղություն տեսնել Տաջիկստանում»։
Փորձագետները պնդում են, որ տաջիկ օգտատերերը, ում խորթ չեն նման անջատումները, ունեն բազմաթիվ մեթոդներ շրջանցելու այդ արգելքները։
