Ադրբեջանի առաջին տիկին Մեհրիբան Ալիևան հանդիպել է հայ-ադրբեջանական բախումների ժամանակ զոհված և վիրավորված զինծառայողների մայրերին, հաղորդում են ադրբեջանական լրատվամիջոցները: Իր խոսքում նա ցավակցություն է հայտնել զոհվածների ընտանիքներին և հարազատներին:
Մեհրիբան Ալիևան ընդգծել է, որ նրանք զոհվել են «Ադրբեջանի տարածքային ամբողջականությունը վերականգնելու և հողերն ազատագրելու համար»` փաստացի հաստատելով այն փաստը, որ ադրբեջանական բանակն է սկսել ռազմական գործողությունները:
Հ.Գ. Լուսանկարներից դատելով` ադրբեջանական բանակի զոհերի ու վիրավորների թիվը գերազանցում է մի քանի հարյուրը: Այնինչ` Ադրբեջանի պաշտոնական տվյալներով` զոհերի եւ վիրավորների քանակը միասին չի հասնում անգամ 50-ի:
