Հնդկաստանի արևելքում միջկրոնական բախումների հետևանքով նվազագույնը 3 մարդ է ողջ-ողջ այրվել սեփական բարաքում: Այս մասին հաղորդում է France-Presse գործակալությունը:
Բիհար նահանգի ոստիկանական վարչակազմի ղեկավար Աթուլ Փրասադը հաղորդել է, որ բախումները սկսվել են կիրակի օրն այն բանից հետո, երբ անհետացած հինդուս երեխայի մարմինը հայտաբերվել է Սարայան գյուղում:
Հաղորդվում է, որ հինդուսները պատանու մահվան մեջ մեղադրում են մուսուլմաններին, քանի որ տղան հաճախ է շփվել մի մուսուլման աղջկա հետ:
Ոստիկանությունն արդեն ձերբակալել է տեղական հինդուիստական համայնքի 8 ներկայացուցիչների, ովքեր մեղադրվում են մուսուլմանների տասնյակ բարաքներ այրելու մեջ: Իրավիճակն այս պահին քիչ թե շատ կայուն է:
