Հնդկաստանում ավազե փոթորիկը հյուսիսային Ուտար-Պրադեշ նահանգում 9 մարդու կյանք է խլել, տեղեկացնում է ТАСС-ը՝ հղում անելով նահանգի ոստիկանությանը:
Տար անապատի ավազահատիկներն օդ բարձրացրած ուժեղ փոթորիկը ծառեր, էլեկտրահաղորդալարեր և գովազդային վահանակներ է տապալել։ Մասնավորապես մի վիթխարի ծառ է շրջվել Թաջ-Մահալի տարածքում։ Տարերային աղետը մոլեգնել է 12 ժամ։
Ավազե փոթորկից հետո սկսվել են հորդառատ անձրևներ։ Տեղի իշխանությունների գնահատականներով՝ տարերային աղետի հետևանքով նահանգում ոչնչացել է մանգոյի բերքի առնվազն 70 և հացահատիկի բերքի 50 տոկոսը։
