«Ֆորմուլա 1-ի» սեփականատեր Բերնի Էքլսթոունը Daily Mail-ի հետ զրույցում ասել է, որ հիանում է ՌԴ նախագահ Վլադիմիր Պուտինով:
Նա ընդգծել է, որ իրեն դուր է գալիս, թե ինչպես է Ռուսաստանի նախագահը պաշտպանում իր դիրքերը:
«Հիանու՞մ եմ արդյոք Պուտինով: Միանշանակ: Նա այն մարդն է, ոըվ պետք է ղեկավարի Եվրոպան: Նա կլուծի այն բոլոր խնդիրները, որոնք առկա են Սիրիայում: Նա անում է այն, ինչ ճիշտ և անհրաժեշտ է համարում և պաշտպանում է իր դիրքերը, և դա լավ է»,- ասել է նա:
Էքլսթոունը նաև պատմել է, որ հենց Պուտինի շնորհիվ է հնարավոր դարձել Ռուսաստանում «Ֆորմուլա 1-ի» ավտոմրցարշավի անցկացումը:
