Քիչ առաջ ավարտվեց ՀՀԿ խորհրդի նիստը: Ավարտից հետո լրագրողների հետ ճեպազրույցում ՀՀԿ մամլո խոսնակ Էդուարդ Շարմազանովը նշեց, որ նիստի ընթացքում կուսակցության խորհրդի անդամների թիվը ավելացել է 35-ով: Ընտրվել են տարածքային ու մարզային նոր պատասխանատուներ: Մասնավորապես ՀՀԿ նախագահ Սերժ Սարգսյանի տեղակալներ են ընտրվել վարչապետ Կարեն Կարապետյանը, Մուշեղ Լալայանը, Արմեն Աշոտյանը, եւ Գալուստ Սահակյանը: Շարմազանովը հայտարարեց, թե ՀՀԿ-ն այսուհետ կունենա ավագների խորհուրդ, որը կղեկավարի ԱԺ նախագահ Գալուստ Սահակյանը: Երեւանի ՀՀԿ կառույցի ղեկավար է ընտրվել Տարոն Մարգարյանը: Հերմինե Նաղդալյանը կշարունակի ղեկավարել ՀՀԿ կանանց խորհուրդը: Իսկ Կարեն Ավագյանը՝ երիտասարդական խորհուրդը:
ՀՀԿ նիստում ըստ Շարմազանովի Սերժ Սարգսյանը հանդես է եկել ելույթով, որի ժամանակ նշել է, որ առաջիկա խորհրդարանական ընտրությունները պետք է անցկացվեն ազատ, արդար եւ ժողովրդավարական չափանիշներին համապատասխան:
Լրագրողների հետ զրույցում Էդուարդ Շարմազամովը անդրադարձավ նաեւ նախկին վարչապետ Հովիկ Աբրահամյանի՝ կուսակցությունը լքելու որոշմանը, ասելով, թե դա նախկին վարչապետի որոշումն է եղել:
Այլ մանրամասներ՝ տեսանյութում:
