ՀԱԿ խմբակցության անդամ Նիկոլ Փաշինյանը, անդրադառնալով իր նախաձեռնած «ՀՀ նախագահին պաշտոնանկ անելու մասին» նախագծին, իր ելույթում նկատեց, որ ինքը և «Քաղաքացիական պայմանագիր» միավորման անդամները հույս չունեն, որ նախագիծը ԱԺ օրակարգ կմտնի, բայց այն հնչելու է ԱԺ-ում:
«Մեզ հաշիվ ենք տալիս, որ նախագիծը ԱԺ օրակարգ մտնելու հնարավորություն չունի, բայց քիչ անց տեղի ունենալիք քվերակության պահից, այդ իրավական փաստթուղթը ներքաղաքական կյանք կմտնի, և մեր խնդիրը կլինի հասնել նրան, որ Սերժ Սարգսյանի հասցեին հնչող մեղադրանքները քննվեն ՀՀ դատական համակարգի կողմից»,-իր ելույթում ասաց պատգամավորը:
Վերջինս նկատեց, որ նախագիծը հիմնված է հանարահայտ փաստերի վրա և միևնույն ժամանակ չի խախտում անմեղության կանխավարկածը:
«Պաշտոնապես հայտարարում եմ՝ այն Հայաստանը, որին ձգտում ենք մենք՝ «Քաղաքացիական պայմանագիր» միավորման անդամներս, մի պետություն է, որը զերծ է քաղաքական հետապնդումներից, ունի լիարժեք դատարան: Այնտեղ գործում է օրենքի իշխանությունը, և բոլոր մարդիկ հավասար են, ուստի պատեհ եմ համարում իմ և միավորման անունից դատապարտել 3-րդ հանապետության պամության ընթացքում տեղի ունեցած քաղաքացիական հետապնդման դեպքերը՝ անկախ վաղեմության ժամկետից»,-եզրափակեց պատգամավորը:
Վարդուհի Ստեփանյան
